einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec4136 sô hætet ir den lîp verlorn:von diu wærez niht guot verborn. ich solz iemêre wol bewarn." nû hôrte si si zuo varn mit zornigem muote. 4141 swie niuwelîch diu guote warnen verlobet hæte, daz gelübede beleip unstæte, wan si zebrach ez dâ zehant, als si betwanc der Triuwen bant. 4146 dannoch wâren si verre. si sprach: "lieber herre, dir rîtet michel her nâch. si wellen dir schaden: in ist sô gâch." nû endarf niemen sprechen daz, 4151 von wanne kæme daz diu vrouwe baz beide gehôrte und gesach. ich sage iu von wiu daz geschach. diu vrouwe reit gewæfens bar: dâ was er gewâfent gar, 4156 als ein guot ritter sol. |