einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec5496 wan si enhâten vorhte noch wândaz er si getorste bestân. und als Êrec der degen balt ersach daz er sîn engalt, daz muote in harte sêre. 5501 nû entwelte er niht mêre, wan undern arm sluoc er mit guotem willen daz sper. daz ros nam er mit den sporn: an si truoc in der zorn. 5506 daz huop si dannoch kleine, wan daz der eine von unwirde versûmte sich unz daz im ein sperstich engegen in sîn houbet kam, 5511 der im ein ouge benam. der stich ergie mit selher kraft daz im wol ellenlanc der schaft ûz hienc vor dem ougen. swie kleine erz wolde erougen, 5516 er stach in zuo der erde tôt, |