einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich405 den hôhen portenære verdrôz, die sælden porte er mir beslôz. dâ kum ich leider niemer in; daz verworhte mir mîn tumber sin. got hât durch râche an mich geleit 410 ein sus gewante siecheit die nieman mac erlœsen. nu versmâhe ich den bœsen, die biderben ruochent mîn niht. swie bœse er ist der mich gesiht, 415 des bœser muoz ich dannoch sîn. sîn unwert tuot er mir schîn: er wirfet diu ougen abe mir. nû schînet alrêst an dir dîne triuwe die dû hâst, 420 daz dû mich siechen bî dir lâst und von mir niene vliuhest. swie dû mich niht enschiuhest, swie ich niemen liep sî wan dir, swie vil dîns heiles stê an mir, 425 du vertrüegest doch wol mînen tôt. |