Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

1306 diu driu krût tempern kan
        dar nâch als in gesetzet ist,
        daz ist der rehte zouberlist.
        ouch hœrent ander würze dar zuo
        ê daz man im rehte tuo:
1311 triuwe unde stæte;
        swer die dar zuo niht hæte,
        sô müese der list belîben.
        ouch muost dû dar zuo trîben
        beide kiuscheit unde schame;
1316 dannoch ist ein krûtes name
        gewislîchiu manheit;
        sô ist daz zouber gar bereit.
        und swem alsô gelinget
        daz er sî zesamen bringet,
1321 der sol sî schütten in ein vaz,
        daz ist ein herze âne haz.
        dâ sol er sî inne tragen,
        sô wil ich dir daz zewâre sagen
        daz im diu sælde ist bereit
1326 unz er sî bî im treit.

[ zurück ]