Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

1486 Êrec begunde schouwen
        sîne juncvrouwen.
        ouch sach si vil dicke an
        bliuclîchen ir man.
        dô wehselten si vil dicke
1491 die vriuntlîchen blicke.
        ir herze wart der minne vol:
        si gevielen beide ein ander wol
        und ie baz unde baz.
        dâ envant nît noch haz
1496 ze blîbenne dehein vaz:
        triuwe und stæte si besaz.
        nû riten si vil drâte,
        wan er gelobet hâte
        ze komenne an dem selben tage.
1501 nâch der küneginne sage
        westen die guoten knehte
        alle vil rehte
        die zît wenne er solde komen:
        ouch hâten siz vernomen
1506 von dem ritter der dâ kam,
[ zurück ]