Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

4445 sô lâ mir den lîp
        unde êre got an mir.
        vil gerne sicher ich dir.
        nû emphâch mich ze man,
        und wizzest daz ich nie gewan
4450 deheinen herren mêre.
        wan daz dir diu êre
        geschiht von dîner manheit,
        ich wære des tôdes ê bereit
        ê ez immer ergienge:
4455 dehein edel dich vervienge.
        sus ist ez mir unmære:
        swer dîn vater wære,
        sô edelet dich dîn tugent sô
        daz ich dîn bin ze herren vrô."
4460 nû hete gewert dirre strît
        unz an die nônezît,
        den sumertac alsô lanc.
        dô Êrecke alsô gelanc,
        die genâde er an im begie
4465 daz er in leben lie.
[ zurück ]