Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Erec

6366 wan si si niht ane sach,
        dô der eine zuo ir sprach.
        daz tâten si dem wirte kunt.
        nû sande er nâch ir anderstunt
        der herren michel mêre.
6371 daz tete er durch ir êre,
        daz si deste gerner kæme
        swenne si vernæme
        daz tischgerihte mære.
        von ir herzen swære
6376 nam si der boten deheine war.
        der wirt sprach: "ich muoz selbe dar."
        alsô er dô zuo ir kam,
        bî der hant er si nam
        und hiez si mit im ezzen gân.
6381 des bat diu vrouwe sich erlân.
        si sprach: "ob ich nû æze
        und sô schiere vergæze
        des aller liebisten man
        den ie wîp mê gewan,
6386 daz wære ein unwîplîch maz:

[ zurück ]