einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec57 ze sîner missewende,daz si mâl dâ von gewan. mit selher antwurt schiet si dan wider zuo ir vrouwen unde liez si schouwen 62 wie sêre si was geslagen. daz begunde si vil tiure klagen dazz ir sô nâhen was geschehen daz siz muoste ane sehen. Êrec dô ahten began, 67 der ritter wære dehein vrum man, daz er ez vor im vertruoc daz sîn getwerc die maget sluoc. er sprach: "ich wil rîten dar, daz ich iu diu mære ervar." 72 diu vrouwe sprach: "nû rîtet enwec." zehant huop sich Êrec, unz er in sô nâhen kam daz daz getwerc die rede vernam: "muget ir wêniger mir gesagen, 77 wes hânt ir die maget geslagen? |