einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec7268 als ir ê wol hôrtet sagen,dô der grâve Oringles wart erslagen ûf Lîmors und dô von dan Êrec mit ir sô kûme entran. daz siz nû verlorn hât, 7273 des solde doch werden rât. si wirt es wol ergetzet, wan man irz ersetzet, daz si diz nimmer darf geklagen, mit einem, als ich iu wil sagen, 7278 daz doch nie dehein man dehein schœnerz gewan noch solde beschouwen. diz gâben ir die vrouwen, des küneges swester zwô, 7283 unde wâren des vil vrô daz siz geruochte von in nemen. ouch mohte sis vil wol gezemen. vrâget iemen mære ob ez schœner wære 7288 dan daz si unz her geriten hât? |