Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8062 dâ was inne vreuden vil,
        tanz und aller slahte spil
        daz jungen liuten wol gezam.
        und als er zuo geriten kam
        und si die schœnen Ênîten
8067 dâ vür sâhen rîten
        und nâch ir die zwêne man,
        nû sâhen si die vrouwen an
        und begunde menneclîch des jehen
        daz er unz dar nie gesehen
8072 deheine vrouwen hæte
        von lîbe und ouch von wæte,
        von pherde und von gereite,
        sô schœne und sô gemeite.
        sâ zuo den stunden
8077 si alle begunden,
        wîp und man beide,
        von nâhe gândem leide
        ir vreuden entwîchen
        und vil jæmerlîchen
8082 klagen daz wünneclîche wîp,
[ zurück ]