Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9554 deich iuwer müge belîben
        âne angest vor andern wîben:
        daz ir hier inne mit mir sît,
        wir zwei, unz an die zît
        daz iu hier inne ein man
9559 gesige alters eine an,
        alsô daz ez vor mir geschehe,
        daz ich die wârheit selbe sehe."
        nû war umbe tete si daz?
        daz wil ich iu bescheiden baz.
9564 des enhâte si deheinen wân
        daz ez immer möhte ergân
        oder man in iender vunde
        der mich überwunde.
        sô rehte tiure dûhte ich sî.
9569 ouch bin ichs noch gewesen vrî
        unze hiute an disen tac,
        daz ich vil wol erziugen mac,
        ob irz niht wol geloubet.
        sehet eht ir diu houbet?
9574 diu hân ich elliu abe geslagen.
[ zurück ]