Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1257 als im diu wîsheit gebôt:
        des enwart er nie schamerôt
        von deheiner sîner getât.
        er suochte gnâde unde rât
        zallen zîten an got
1262 und behielt starke sîn gebot.
         Got erloubte dem Wunsche über in
        daz er lîp unde sin
        meisterte nâch sîm werde.
        swâ von ouch ûf der erde
1267 dehein man ze lobenne geschiht,
        des engebrast an im niht.
        der Wunsch hete in gemeistert sô
        daz er sîn was ze kinde vrô,
        wande er nihtes an im vergaz:
1272 er hete in geschaffet, kunde er, baz.
        die liute dem knappen jâhen,
        alle die in gesâhen,
        daz von vischære
        nie geborn wære
1277 dehein jungelinc sô sælden rîch:
[ zurück ]