Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

150 des ist ze hœrenne nôt
      und ze merkenne in allen
      die dâ sint vervallen
      under bercswæren schulden,
      ob er ze gotes hulden
155 dannoch wider gâhet,
      daz in got gerne emphâhet.
      wan sîner gnâden ist sô vil
      daz er des niene wil
      und ez gar verboten hât
160 daz man durch deheine missetât
      an im iht zwîvelhaft bestê.
      ez enist dehein sünde mê,
      man enwerde ir mit der riuwe
      ledic unde niuwe,
165 schœne unde reine,
      niuwan der zwîvel eine:
      der ist ein mortgalle
      ze dem êwigen valle
      den nieman mac gesüezen
170 noch wider got gebüezen.
[ zurück ]