einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2404 Diu vrouwe trûriclichen sprach:'ouwê mîns lieben herren! waz mac im danne werren? mir ist sînes kumbers niht mê kunt: wan er ist junc und gesunt2409 und rîch ze guoter mâze. dar zuo ich niene lâze ich envâre sîns willen als ich sol. dêswâr des mac mich lüsten wol, wande er daz wol verschulden kan.2414 hât dehein wîp tiurern man, dêswâr daz lâze ich âne zorn: wande er enwart weizgot nie geborn. ouwê mir armen wîbe! jan geschach mînem lîbe2419 nie deheiner slahte guot und ouch niemer getuot niuwan von sîn eines tugent. nû waz mac im ze sîner jugent sô vil ze weinenne sîn geschehen2424 als ich dich dâ hœre jehen? |