Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2639 daz ez iu mit einem munde
        iemen vol gahten kunde.
        sich möhte vil nâch der tôt
        gemâzet haben ze dirre nôt:
        den hæten si, wære er in komen,
2644 ze voller wirtschaft genomen.
        in wâren diu beide
        gesat in glîchem leide,
        beidiu sêle unde lîp.
        wâ vriesch ie man oder wîp
2649 deheiner slahte swære
        diu alsô gar wære
        âne aller hande trôst?
        diu sêle entsaz den hellerôst,
        sô was der lîp in beiden
2654 bekumbert umbe ir scheiden.
        ez hât geschaffet diu gotes kraft
        ein missemüete geselleschaft
        diu doch samet belîbe
        under sêle und under lîbe.
2659 wan swaz dem lîbe sanfte tuot,
[ zurück ]