Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3347 diu ougen über wallen,
        die heizen zäher vallen
        über sînen grâwen bart.
        er sprach: 'waz touc uns diu vart?
        vil wol wîse ich iuch dar:
3352 die vart verliese wir gar.
        ich weiz wol, erst nû lange tôt.
        ich lie in in maniger nôt
        ûf dem wilden steine:
        hæte er der niuwan eine,
3357 ez enmöhte dehein lîp erwern.
        ir endürfet dingen noch gern
        daz wir in lebenden vinden:
        enwære er von kalten winden
        und von vroste niht verderbet,
3362 der hunger hete in ersterbet.'
        nu erkanden si den gotes gewalt
        sô starken und sô manicvalt,
        ob er sîn geruochte phlegen,
        daz in harte wol sîn segen
3367 gevriste vor aller vreise.
[ zurück ]