einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich23 si hœre sagen ode lese, daz er im bitende wese der sêle heiles hin ze gote. man giht, er sî sîn selbes bote und erlœse sich dâ mite, 28 swer vür des andern schulde bite. Er las daz selbe mære, wie ein herre wære ze Swâben gesezzen; an dem enwas vergezzen 33 deheiner der tugent die ein ritter in sîner jugent ze vollem lobe haben sol. man sprach dô nieman alsô wol in allen den landen. 38 er hete ze sînen handen geburt unde rîcheit; ouch was sîn tugent vil breit. swie ganz sîn habe wære, sîn geburt unwandelbære 43 und wol den vürsten gelîch, |