Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1449 wande sî nâch sîner bete
        ein venster ob im ûf tete,
        und liez si in wol beschouwen.
        nû sach er die vrouwen
        von jâmer lîden michel nôt.
1454 sî sprach 'geselle, an dir ist tôt
        der aller tiureste man,
        der rîters namen ie gewan,
        von manheit und von milte.
        ezn gereit nie mit schilte
1459 dehein rîter alsô volkomen.
        ouwê wie bistû mir benomen?
        ichn weiz war umbe ode wie.
        der tôt möhte an mir wol hie
        büezen swaz er ie getete,
1464 und gewerte mich einer bete,
        daz er mich lieze varn mit dir.
        waz sol ich, swenne ich dîn enbir?
        waz sol mir guot unde lîp?
        waz sol ich unsælic wîp?
1469 ouwê daz ich ie wart geborn!