einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein1449 wande sî nâch sîner beteein venster ob im ûf tete, und liez si in wol beschouwen. nû sach er die vrouwen von jâmer lîden michel nôt.1454 sî sprach 'geselle, an dir ist tôt der aller tiureste man, der rîters namen ie gewan, von manheit und von milte. ezn gereit nie mit schilte1459 dehein rîter alsô volkomen. ouwê wie bistû mir benomen? ichn weiz war umbe ode wie. der tôt möhte an mir wol hie büezen swaz er ie getete,1464 und gewerte mich einer bete, daz er mich lieze varn mit dir. waz sol ich, swenne ich dîn enbir? waz sol mir guot unde lîp? waz sol ich unsælic wîp?1469 ouwê daz ich ie wart geborn! |