einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein1962 als ich iu nû hân geseit,rehte alsô hât ein man gesiget mînem herren an. daz wil ich wol mit iu gehaben: wan ir habet in begraben.1967 ich erziuges nû genuoc, der in dâ jagete unde sluoc, der ist der tiurer gewesen: mîn herre ist tôt und er genesen.' Daz was ir ein herzeleit,1972 daz sî deheiner vrümekheit iemen vür ir herren jach. mit unsiten si ir zuo sprach und hiez si enwec strîchen: sine woltes nämelîchen1977 niemer mêre gesehen. sî sprach 'mir mac wol geschehen von mînen triuwen arbeit und doch nimmer dehein herzeleit, wan ich sî gerne lîden wil.1982 zewâre ich bin gerner vil |