Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2693 ouch enwirt diu wirtschaft nimmer guot
        âne willigen muot.
        nû vant der künec Artûs
        werc und willen dâ ze hûs,
        unde mîn her Gâwein,
2698 an dem niht tes enschein
        ezn wære hövesch unde guot,
        der erzeicte getriuwen muot
        hern Îwein sînem gesellen;
        als ouch die wîsen wellen,
2703 ezn habe deheiniu grœzer kraft
        danne unsippiu geselleschaft,
        gerâte sî ze guote;
        und sint sî in ir muote
        getriuwe under in beiden,
2708 sô sich gebruoder scheiden.
        sus was ez under in zwein:
        der wirt und her Gâwein
        wârn ein ander liep genuoc,
        sô daz ir ietweder truoc
2713 des andern liep unde leit.
[ zurück ]