einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6174 mit manegem drôworteenpfie'n der portenære: daz was im unmære. er sach in schalclichen an als ein ungetriuwer man:6179 er sprach 'ich hân daz wol bedâht daz ich iuch hân her in brâht: ahtet selbe umb die ûzvart.' nâch im wart daz tor bespart. Ern ruochte waz er im sprach,6184 dô er deheine vreise sach weder in der burc noch darvor. nû sach er innerhalp dem tor ein wîtez wercgadem stân: daz was gestalt und getân6189 als armer liute gemach; dar in er durch ein venster sach würken wol driu hundert wîp. den wâren cleider untter lîp vil armeclichen gestalt:6194 irn was iedoch deheiniu alt. |