einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein7231 von bluote begunden,wande sî vil wunden in kurzer stunt enpfiengen die niht ze verhe engiengen. Sich huop wider morgen7236 mit manlîchen sorgen dirre angestlîcher strît, und werte harte lange zît, unz vol nâch mittem tage, daz dô von ir deweders slage7241 dehein schade mohte komen. in hete diu müede benomen sô gar den lîp und die kraft daz sî des dûhte ir rîterschaft diu wære gar ân êre,7246 und envâhten dô niht mêre. ez wart dâ von in beiden ein vil gemüetlich scheiden, und sazten sich ze ruowe hie unz sî diu müede verlie.7251 Diu ruowe wart vil unlanc |