Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

1021 und gedenken dar an
        daz wir beide sîn ein man.
        nû zwiu solde ich âne dich
        oder waz möhtest dû âne mich?
        Ist daz dûz vürdermâle lâst,
1026 swaz dû mich missehandelt hâst
        daz wil ich varn lâzen.
        ouch maht dû michs gerne erlâzen;
        bist dû mir guot, sam bin ich dir,
        wan âne ein ander mugen wir
1031 deheine wîle genesen.
        wir müezen iemer sament wesen,
        wir enmugen uns niht gescheiden.
        got der hât uns beiden
        eine sêle gegeben
1036 - anders möhte wir niht geleben -,
        die nimet er uns swanne er wil;
        des enhân wir dehein gewissez zil.
        ouch hât er uns si bevolhen sô
        mit einer forhtesamer drô:
1041 er versaget ir sînen segen,

[ zurück ]