Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

332 mir mit dir ein unnützez leben,
      wan daz ich ez wol helen kan.
      ich bin ein freudelôser man,
      wan mich des tages unmanige zît
      diu selbe leide vrî gît.
337 sô aber sî mich danne verlât
      - daz leider selten ergât -
      unde ich mich erbiute
      ze freuden durch die liute,
      sô hât leider mîn schimph
342 deheiner slahte gelimph,
      wan er mir niht von herzen gât.
      mîn schimph mir alsô ane stât
      daz alle die beginnent jehen
      die mich ê hânt gesehen,
347 so ich alsô ungefüege bin,
      ich habe verwandelt den sin
      und ich sî worden unfruot.
      so enwizzen sî waz ez mir tuot
      und daz sich mûtiert mîn muot
352 rehte alsô des meres fluot.
[ zurück ]