Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3685 wande wir haben vernomen
        von dem grâven mære
        daz er benamen wære
        beide biderbe unde guot,
        an sînen triuwen wol behuot
3690 unz an die selben stunt.
        dô tete im untriuwe kunt
        diu kreftige minne
        und benam im rehte sinne.
        wan an der minne stricke
3695 vâhet man vil dicke
        einen alsô kargen man
        den niemen sus gewinnen kan.
        vil manegen man diu werlt hât
        der nimmer in dehein missetât
3700 sînen vuoz verstieze
        ob ins diu minne erlieze:
        und gæbe si niht sô rîchen muot,
        sô enwære der werlde niht sô guot
        noch sô rehte wæge,
3705 sô ob man ir verphlæge.
[ zurück ]