Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3770 die er dâ nâhen weste.
        dâ er zuo dem hûse vlôch,
        dâ was der burcberc sô hôch,
        beidiu sô stechel und sô lanc,
        daz in sunder sînen danc
3775 her Îwein ergâhte an dem tor:
        dâ vienc er in vor
        und nam des sîne sicherheit
        daz er gevangen wider reit
        in der vrouwen gewalt,
3780 diu sîn dâ vor sô dicke engalt,
        und ir verwüestet hete ir lant.
        er sazte ir gîsel unde pfant
        daz er alle sîne schulde
        buozte unz ûf ir hulde.
3785 Ezn wart nie rîter mêre
        erboten grœzer êre
        dan mînem hern Îweine geschach,
        dô man in zuo rîten sach
        unde sînen gevangen man
3790 eneben im vuorte dan.
[ zurück ]