einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage495 dû tuost mir maniger slahte leit.ez ist eht wâr daz man mir seit: swâ der schade sî, dâ wone der spot vil ofte bî. daz ist an mir wol worden schîn:500 der muoz dâ mite sîn. Dû tuost als der schuldic man der sich wol ûz nemen kan; als er den schaden getuot, sô lêret in sîn karger muot,505 - daz im ouch dicke frumet, - daz er ê ze hove kumet. sîn schulde kan er wol verdagen und beginnet über einen klagen dem er den schaden hât getân.510 der muoz im dan ze buoze stân. dâ von muoz der reine man danne zwêne schaden han: er geniuzet sîner unschulde daz im sînes herren hulde515 ze sînem schaden wirt verseit. |