Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

818 welchen tiuvel hæte ein wîp
      selher wîs an dir ersehen
      daz sî dir liebe lieze geschehen?
      Sich, lîp, mir ist alsô wê
      sam dem bluomen under dem snê
823 der in dem merzen ûf gât,
      wan er niht ganzer helfe hât
      dannoch von der sumerzît.
      er duldet manigen herten strît
      von des winters gewalt;
828 er tuot im dicke ze kalt,
      unde sô er wære
      schœne, ob in verbære
      des winters meisterschaft,
      sô benimt er im sîne kraft,
833 und trîbet in von sînem rehte
      der winter und sîne knehte,
      daz ist der rîfe und der wint,
      die den bluomen schade sint.
      Ouch vellet sî dicke der snê.
838 dannoch ist mînes schaden mê:
[ zurück ]