Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

72 daz ist mir bezzer dann daz ich nôt
    iemer lîde âne danc.
    mir wære daz leben sô ze lanc.
    Dû bist weizgot vil betrogen.
    ofte hâst dû mir gelogen
77 unz hin daz nû dîn übeler rât
    vil ungenislîchen hât
    verleitet mich armen lîp
    mit dînem gewalte an ein wîp.
    Mich hiezen dîne sinne
82 ir dienen umbe minne;
    dû zaltest mir ir güete vil,
    als der den andern triegen wil,
    und wie wol ez mir ergienge
    ob sî mîn gnâde vienge.
87 jâ ist sî leider ze guot;
    daz ist daz mir den schaden tuot,
    wan ich sîn niht geniezen mac.
    ich hân alsô manigen tac
    von ir güete vil vernomen,
92 nû bin ichs an ein ende komen.

[ zurück ]