einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3579 er liez ez durch ir swære.als er dô ein ros genam des in aller beste gezam, dô genâdete er im verre. er sprach: "lieber herre, 3584 nû gewert mich des ich iuch bite: dâ handelt ir mich wol mite. diu vrouwe lîdet von arbeit mit disen rossen michel leit, daz ich si vüeren müeze: 3589 der dienest ist mir süeze." Êrec sprach: "knabe, daz sult ir lân. jâ enist ez doch niht getân garwe âne sache. si muoz mit ungemache 3594 leben ze disen zîten." er sprach: "sô wil ich rîten." "got vergelte iu genâde unde guot: iuwer êre sî von im behuot, daz ir mit sælden müezet leben. 3599 knabe, nû rîtet gote ergeben." |