einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1784 diu hie vor mir geschriben stât?''vil lieber sun, daz sage ich dir. dêswâr, daz geloube mir, gestâstû bî der ritterschaft, sich, sô mêret sich diu kraft1789 dîner tägelîchen missetât und enwirt dîn niemer rât. dâ von sô lâ dîn irrikeit die dû an hâst geleit unde diene gote hie.1794 ja enübersach er dienest nie. sun, nû stant im hie ze klage und verkoufe dîne kurze tage umbe daz êwige leben. sun, den rât wil ich dir geben.'1799 'Ouwê, lieber herre, jâ ist mîn gir noch merre zuo der verte dan ê. ich engeruowe niemer mê und wil iemer varnde sîn,1804 mir entuo noch gotes gnâde schîn |