Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Heinrich

329 swâ mite er mohte
       und daz der maget tohte
       zuo ir kintlîchen spil,
       des gap ir der herre vil.
       ouch half in sêre daz diu kint
334 sô lîhte ze wenenne sint.
       er gewan ir swaz er veile vant,
       spiegel unde hârbant
       und swaz kinden liep solde sîn,
       gürtel unde vingerlîn.
339 mit dienste brâhte er si ûf die vart,
       daz si im alsô heimlich wart
       daz er si sîn gemahel hiez.
       diu guote maget in liez
       belîben selten eine,
344 er dûhte si vil reine.
       swie starke ir daz geriete
       diu kindische miete,
       iedoch geliebete irz aller meist
       von gotes gebe ein süezer geist.
349 Ir dienest was sô güetlich.
[ zurück ]