einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein8146 lât diu got alten,diu gewinnent manege süeze zît. daz was hie allez wænlich sît. hie was vrou Lûnete mite nâch ir dienesthaften site.8151 diu hete mit ir sinne ir beider unminne brâht zallem guote, als sî in ir muote lange hâte gegert.8156 ir dienest was wol lônes wert: ouch wæn ich sîs alsô genôz daz sî des kumbers niht verdrôz. ez was guot leben wænlich hie: ichn weiz ab waz ode wie8161 in sît geschæhe beiden. ezn wart mir niht bescheiden von dem ich die rede habe: durch daz enkan ouch ich dar abe iu niht gesagen mêre,8166 wan got gebe uns sælde und êre. |