Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

1210 „lîp, ist ouch dir daz?“
        nû wâ von wære mir anders wê?
        „sô schaf selbe daz ez ergê.“
        wâ mite? „daz sagete ich dir ie.“
        so enweiz ich noch leider wie.
1215 „dâ hœret arbeit zuo.“
        nû waz gebiutestû mir daz ich tuo?
        „dâ diene ir vil schône.“
        wie lange? „unz sî dir lône.“
        swaz ich tuon, daz ist dîn sælekeit.
1220 ir ist vil lîhte mîn dienest leit.
        „Dar ûz solt dû ez bringen.“
        sage mir, mit welhen dingen?
        „dâ mite ob dû in rehte tuost.“
        daz ist des dû mich bewîsen muost.
1225 „dâ wis biderbe unde guot.“
        wan ob si es dehein war tuot?
        „so enwære sî niht ein guot wîp.“
        si ist guot, wære ich ein sælic lîp.
        „dû solt dich sælic machen.“
1230 ich enweiz mit welhen sachen.
[ zurück ]