Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

1620 swie kleine kraft ein tropfe hât,
        er machet durch den stein ein loch.
        lîp, daz enkumet doch
        von des trophen krefte niht;
        von der emzikeit ez geschiht
1625 daz er dicke vellet dar.
        dâ bî solt dû nemen war,
        und wellest dûs geniezen,
        so enlâ dichs niht verdriezen,
        du endienest ir unz ûf die stunt
1630 daz ir dîn dienest werde kunt.
        ist sî danne ein guot wîp,
        sich, sô lônet sî dir, lîp.
        Ouch behalt dû dînen gelimph,
        daz sî in ernest oder in schimph
1635 von dir daz wort iht verneme,
        daz sî ze deheinem hazze neme,
        und ervar ir willen swâ dû kanst,
        ob dû dir sælde und heiles ganst.
        nu ensûme dich niht mêre!
1640 ich bevilhe dir unser êre,
[ zurück ]