einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein4758 wan mir ist mîn selbes lîpniht lieber danne ir bruoder ist.' nû kam gegangen an der vrist des wirtes tohter und sîn wîp. nu gesach er nie kindes lîp4763 schœner dan diu selbe maget, enhete sî sich niht verclaget. nu enpfiengen sî in beide wol, als man lieben gast sol. Dô sprach der wirt 'mich dunket guot4768 daz ir vil dienesthaften muot traget iuwerm gaste. er hât sich alsô vaste unser swære an genomen, wir suln sî mit im überkomen,4773 geruochet sîn unser trehten. er sprichet er welle vehten: dô ich im mîne clage tete, dô gelobt er mir âne bete er welle durch uns tôt geligen4778 ode dem risen an gesigen, |