einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9752 daz man si begrüebe nâch êren.hie begunde sich êrste mêren diu vreude ûf Brandigân. diz was von schulden getân. wan alsô schiere diz erschal 9757 in daz lant über al, von selhem mære daz des hoves vreude wære widere gewunnen der in was zerunnen, 9762 des küneges mâge und dienestman die vuoren ze hove alle dan mit den lantvrouwen die niuwen genâde schouwen. hie samenten sich die besten. 9767 der wirt mit sînen gesten, die er dar mohte bringen, erbiten und betwingen, si macheten ein hôchzît diu mit wirtschefte sît 9772 werte vier wochen. |