Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

2156 dâ was aller künste kraft,
        von allen ambeten meisterschaft.
        die aller besten spilman
        die diu werlt ie gewan
        und die meister wâren genant,
2161 der was dâ zehant
        driu tûsent unde mêre.
        ez geschach nie grœzer êre
        weder vordes noch sît
        dan zuo der selben hôchzît.
2166 swaz der diete dar kam,
        diu guot umbe êre nam,
        der entete man niht eines rât.
        den gelimph varndez volc hât,
        swâ man einem vil gît
2171 und dem andern niht, des hât er nît
        und vluochet der hôchzît.
        des enkam dâ niemen in den strît,
        wan si wurden rîche
        alle gelîche.
2176 man gap dâ vil starke.
[ zurück ]