Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1478 dô daz her Îwein ersach,
        dô lief er gegen der tür,
        als er vil gerne hin vür
        zuo ir wolde gâhen
        und ir die hende vâhen.
1483 Dô daz diu juncvrouwe ersach,
        sî zôch in wider unde sprach
        'saget, wâ welt ir hin,
        ode wâ habt ir den sin
        genomen der iu diz geriet?
1488 nu ist vor der tür ein michel diet:
        diu ist iu starke erbolgen.
        irn wellent mir volgen,
        sô habt ir den lîp verlorn.'
        alsus erwant in ir zorn.
1493 sî sprach 'wes was iu gedâht?
        wær iuwer gedanc volbrâht,
        sone hetent ir niht wol gevarn.
        ichn trûwe iu den lîp niht bewarn,
        ezn sî dan iuwer wille.
1498 durch got sitzent stille.
[ zurück ]