Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

1584 wan daz wurde allez baz bewant.
        doch enhât sî hie niht missetân:
        wir suln sî genesen lân.
        si erwelte hie nû einen wirt
        deiswâr von dem sî niemer wirt
1589 geswachet noch gunêret.
        si ist rehte zuo gekêret:
        si belîbet hie mit êren:
        sus solde sî zuo kêren.
         Dô man den wirt begruop, dô schiet
1594 sich diu riuwige diet.
        leien unde pfaffen
        die vuoren ir dinc schaffen:
        diu vrouwe beleip mit ungehabe
        alters eine bî dem grabe.
1599 dô sî her Îwein eine ersach
        unde ir meinlich ungemach,
        ir starkez ungemüete
        unde ir stæte güete,
        ir wîplîche triuwe
1604 und ir senlîche riuwe,

[ zurück ]