Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7656 diu ir swester hât versaget
        niuwan durch ir übermuot
        ir erbeteil unt taz guot
        daz in ir vater beiden lie?'
        dô sprach sî gâhes 'ich bin hie.'
7661 dô sî sich alsus versprach
        und unrehtes selbe jach,
        des wart Artûs der künec vrô:
        ze geziuge zôch ers alle dô.
        er sprach 'vrouwe, ir hânt verjehen.
7666 daz ist vor sô vil diet geschehen
        daz irs niht wider muget komen:
        und daz ir ir habet genomen,
        daz müezet ir ir wider geben,
        welt ir nâch gerihte leben.'
7671 'Nein, herre,' sprach sî, 'durch got.
        ez stât ûf iuwer gebot
        beide guot unde lîp.
        jâ gesprichet lîhte ein wîp
        des sî niht sprechen solde.
7676 swer daz rechen wolde
[ zurück ]