Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

1176 „lîp, dîn üppic frâge tuot mich alt.“
        nu enzürne niht und wis mir guot.
        „waz ist daz dir unsanfte tuot?“
        dû maht wol selbe wizzen waz.
        „würde ichs gemant, ich weste ez baz.“
1181 mir enwart nie helfe nôt wan nû.
        „sage, lîp, waz meinest dû?“
        mîn leben daz ist kumberlich.
        „bistû siech?“ nein ich.
        „kunde ich, lîp, ich hulfe dir.“
1186 dû solt âne dige helfen mir.
        „waz wirret dir? des bewîse mich.“
        dû weist ez alsô wol als ich.
        „ich wæn dû fürhtest den tôt.“
        niht, ez ist ein ander nôt.
1191 „ist ez umb die sêle oder umb den lîp?“
        umbe beidiu. „daz vertrîp.“
        daz lêre mich. „hât ez iht namen?“
        herze, dû maht dich wol schamen
        des spottes des dû an mir begâst.
1196 „wie kumet daz dû ez niht wizzen lâst?“
[ zurück ]