Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6450 die her durch vreuwen komen sint.
        und wæret ir niht ein kint,
        ir möhtet iuwer klage lân,
        und kundet ir iuch rehte entstân,
        wie rehte schône in kurzer vrist
6455 iuwer dinc gehœhet ist,
        doch iuch lützel noch bedrôz.
        ich gesach nie wunder sô grôz
        daz ir niht kunnet gedagen
        und niht muget wol vertragen
6460 daz iuwer dinc nû vil wol stât
        unde sich verkêret hât
        ze guoter handelunge.
        swem alsô gelunge
        als iu hie muoz gelingen,
6465 er möhte baz gesingen
        danne weinen unde klagen.
        ich muoz doch die rihte sagen,
        iuwer jâmer ist alze vester.
        hiute wider gester
6470 sô stât iuwer dinc doch ungelîch.
[ zurück ]