Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2379 her ûz vil harte riuwevar.
        doch genam ichs nie sô rehte war
        als ich hiute hân getân.
        dô ich in sach dar in gân,
        dô stal ich mich mit im dar in
2384 und barc mich dâ unz daz ich in
        und alle sîn gebærde ersach.
        ich sach in grôzen ungemach
        von unmanlîcher klage begân
        unde vor ime hân
2389 ein dinc dâ an geschriben was.
        dô er daz sach unde las,
        sô sluoc er sich zen brüsten ie
        und bôt sich an sîniu knie
        mit venjen vil dicke,
2394 mit manigem ûfblicke.
        ich gesach joch nieman mêre
        geweinen alsô sêre.
        dâ bî erkande ich harte wol
        daz sîn herze ist leides vol:
2399 wan dâ enzwîvel ich niht an
[ zurück ]