Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1281 sone möht niht lebendes drûz komen:
        wie ist uns dirre man benomen?
        swie lange er sich doch vriste
        mit sînem zouberliste,
        wir vinden in noch hiute.
1286 suochent, guote liute,
        in winkeln und under benken.
        erne mac des niht entwenken
        erne müeze her vür.'
        sî verstuonden im die tür.
1291 Ein dinc was ungewärlich:
        sî giengen slahende umbe sich
        mit swerten sam die blinden.
        solden si in iemer vinden,
        daz heten sî ouch dô getân.
1296 daz bette enwart des niht erlân
        sîne ersuochtenz under im gar.
        bî sîner genist nim ich war,
        unz der man niht veige enist,
        sô nert in vil cleiner list.
1301 Dô er in disen sorgen saz,
[ zurück ]