Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1586 wir suln sî genesen lân.
        si erwelte hie nû einen wirt
        deiswâr von dem sî niemer wirt
        geswachet noch gunêret.
        si ist rehte zuo gekêret:
1591 si belîbet hie mit êren:
        sus solde sî zuo kêren.
         Dô man den wirt begruop, dô schiet
        sich diu riuwige diet.
        leien unde pfaffen
1596 die vuoren ir dinc schaffen:
        diu vrouwe beleip mit ungehabe
        alters eine bî dem grabe.
        dô sî her Îwein eine ersach
        unde ir meinlich ungemach,
1601 ir starkez ungemüete
        unde ir stæte güete,
        ir wîplîche triuwe
        und ir senlîche riuwe,
        dô minnet er sî deste mê,
1606 und im wart nâch ir alsô wê
[ zurück ]