Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

1810 ern gemachte niemer tiurern man.
        dâ von sol sich mîn senediu nôt,
        ob got wil, unz an mînen tôt
        nimer volenden:
        den tôt sol mir got senden,
1815 daz ich nâch mînem herren var.
        dû verliusest mich gar,
        ob dû iemer man gelobest
        neben im: wan dû tobest.'
         Dô sprach aber diu maget
1820 'iu sî doch ein dinc gesaget,
        daz man iedoch bedenken sol,
        ir vervâhetz übel ode wol.
        ezn ist iu niender sô gewant,
        irn wellet iuwern brunnen und daz lant
1825 und iuwer êre verliesen,
        sô müezet ir etewen kiesen
        der iun vriste unde bewar.
        manec vrum rîter kumt noch dar
        der iuch des brunnen behert,
1830 enist dâ nieman der in wert.

[ zurück ]