Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1821 daz man iedoch bedenken sol,
        ir vervâhetz übel ode wol.
        ezn ist iu niender sô gewant,
        irn wellet iuwern brunnen und daz lant
        und iuwer êre verliesen,
1826 sô müezet ir etewen kiesen
        der iun vriste unde bewar.
        manec vrum rîter kumt noch dar
        der iuch des brunnen behert,
        enist dâ nieman der in wert.
1831 und ein dinc ist iu unkunt:
        ez wart ein bote an dirre stunt
        mînem herren gesant:
        dô er in dô tôten vant
        und iuch in selher swære,
1836 do versweic er iuch daz mære
        und bat aber michz iu sagen
        daz nâch disen zwelf tagen
        unde in kurzerme zil
        der künec Artûs wil
1841 zuo dem brunnen mit her.
[ zurück ]