einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage1475 ob mir got des gunnen wil,daz ichz noch bringe ûf daz zil daz mir die liute beginnen jehen mir sül von rehte wol geschehen. und des ich noch niht wert enbin,1480 ganze tugent und wîsen sin, den vordert mir noch nieman zuo, wan daz wære mir noch alze fruo; si ensint von mînen jâren niht den man der grôzen sinne giht.1485 swie mir mîn dinc dar umbe ergê, swie mîn sælde noch gestê, so vergelte im got den süezen rât der sô ganze volge hât gewisses lobes von wîser diet,1490 daz mir mîn sin an sî riet, ze swelher nôt ez mir gestê. wan sô ich in der werlte ie mê guoter wîbe mac gespehen, als ich der ahte kan ersehen,1495 sô kumt eht von ir güete daz |