Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

468 daz ist ungehœret,
      wan ez diu hitze niht erlât
      diu ez von dem kezzel ane gât,
      ez enwalle dar inne.
      von eteswiu, wæne, ich sô brinne,
473 swie daz iemer müge komen.
      daz het ich lieber vernomen,
      sît daz dû mitten in mir lîst,
      ob dû des schaden sicher sîst
      daz er dich niht sol twingen.
478 bî disen zwein dingen
      sô nim ich dicke bilde;
      doch ist ez mir noch wilde
      wie ez dar umbe stê.
      der selbe zwîvel tuot mir wê,
483 herze, als dû vil wol weist.
      waz gewirretz dir ob dû mirz seist?
      ›Lîp, ich wil ez gerne sagen,
      wan ich möht ouch ze lange dagen.
      lîp, ich bite dich durch got
488 daz dû lâzest dînen spot

[ zurück ]